Drucken
PDF

Dr chlei Pirat will us güontn Tagsch wider u Maal schiini Kollegi, z Prinzässli, ga bsüechu. Äär farrt mit schiinum Piratuschiff ans Uufer und löift z Füess zum Schloss, wa z Prinzässli wonnt.

En Soldaat, wa daa vor um groossu Schlosstoor Wach staat, laat dr chlei Pirat aber nitt ins Schloss i. Äär seit dum chleinu Pirat nummu, niemu terfe ins Schloss i ga, will eppis Furchtbarrs passiert sigi. Genauers aber verraatut dr Soldat aber nitt.

Trüürig geit dr chlei Pirat zrugg zum Piratuschiff. Am Uufer geseet äär en aalte Ma, wa da ufumu Stei sitzt und fischut. Denu fräägt dr chlei Pirat, ob äär wisse, was de da obina im Schloss loos siige und warum äär nitt zum Prinzässli terffe.


Dr Fischer will zeerscht nit rächt üssa mit der Schpraach, aber schliessli seit äär dum chleinu Pirat, en beeschi Häx heigi z Prinzässli entfiert und inu Häxuwald verschläppt.


Klaar will dr chlei Pirat jetzu z Prinzässli ga bifriju und macht schich üff inu gfäärlich Häxuwald...