Drucken
PDF

We dr chlei Pirat widder umaal mit schiinum Piratuschiff uf um groossu Meer umenand

farrt, trifft äär en Fischer a, wa in schiinum Fischerboot en änz en Hüüfu Fischa dri het.

Dr chlei Pirat fräägt nu natiirli, warum dass äär eso vill Fischa het gfangu

Dr Fischer erkläärt mu, dass dii Fischa nitt fer inu sälber sigi, nei, är

miesse jede Aabu immer e so en Hüüfu Fischa ummu beeschu Drachu

vor schiini Drachuhööli tüe, so dass dr Drachu immer gnüeg z Ässu hei

und nit uf z Maal de Litt vam Doorf chäme "chu ga en Bsüech machu".


Das find dr chlei Pirat natiirli schpannunt und so geit äär mit dum Fischer mit. Är will denu

Drachu ga vertriibu. Dass das vellig gfäärlich isch, das isch klar. Aber dr chlei Pirat isch ja

en Pirat - und Piratu hent nie Angscht, das sägg ich ew...